नेपालले र बङ्गलादेश बिरुद्ध दोस्रो मैत्रीपूर्ण फुटबल खेल्दै, उपाधिको लागि जित्नैपर्ने दबाब

काठमाण्डौ – नेपाल र बङ्गलादेशबीचको दोस्रो मैत्रीपूर्ण फुटबल खेल बेलुकी पौने ५ बजे बङ्गबन्धु रङ्गशाला ढाकामा हुनेछ । उपाधिको लागि यो खेल जित्नैपर्ने दबाबमा रहेको प्रशिक्षक बालगोपाल महर्जनले बताउनुभएको छ ।

मुजिब बर्सो फिफा इन्टरनेशनल सिरिज अन्तर्गत कात्तिक २८ गते भएको पहिलो खेलमा नेपाल बङ्गलादेशसँग २–० गोलले पराजित भएको थियो । आज (मंगलबार)को खेल भने कुनै पनि हालतमा जित्ने लक्ष्य राखेको प्रशिक्षक महर्जनले जानकारी दिनुभएको छ।

पाँच वर्षपछि पहिलो पटक बङ्गलादेशसँग पराजित भएको नेपालले यो खेलमा कम्तीमा २–० गोल अन्तरले जित निकाल्न सकेमा ट्रफीको छिनोफानो पेनाल्टी शूटआउटबाट तय हुनेछ । उपाधिको लागि यो खेल जित्नैपर्ने दबाबमा रहेको भन्दै नेपाली टिमका मुख्य प्रशिक्षक महर्जनले पनि पहिलो खेलमा भएको कमी कमजोरी सच्याएर बङ्गलादेशसँगको खेलका लागि टिम तयार रहेको जानकारी दिनुभयो ।

अभ्यासका लागि पर्याप्त समय नपाएको र नयाँ खेलाडी हुनुले पनि बङ्गलादेशसँगको पहिलो खेल हारेको भन्दै महर्जनले दोस्रो खेलमा नेपालले सुधारिएको प्रदर्शन गर्ने बताउनुधएको छ ।

Leave a Reply

Your email address will not be published. Required fields are marked *

Back to top button