तनहुँका स्थानीय तहलाई फोहोर ब्यवस्थापन गर्न समस्या

हरि खरेल/भीमाद । तनहुँको अधिकांश स्थानीय तहले फोहोर ब्यवस्थापनको उचित प्रबन्ध मिलाउन नसक्दा समस्या झेलि रहेका छन । बजार क्षेत्रबाट निस्कने फोहोर ब्यवस्थापनका लागि केही स्थानीय तहहरुले पहल गरेता पनि अझै पनि प्रभावकारी रुप यो विषयले निकास भने भएको देखिदैन ।

जिल्लाको ब्यास नगरपालिका र शुक्लागण्डकी नगरपालिकाले फोहोर ब्यवस्थापनका लागि केही हदसम्म पहल गरेता पनि अझै पनि नदी किनारमा फोहोर फालेको पाइन्छ । अन्य स्थानीयमध्ये भिमाद नगरपालिकाले हालसम्म फोहोर ब्यवस्थापनका लागि उचित स्थानको छनौट नै गर्न सकेको छैन ।

बजार क्षेत्रका फोहोर ब्यवस्थापन नगरपालिकाका लागि प्रमुख समस्याको विषय भएको नगरपालिकाले बताउने गरेको छ ।
नगरपालिकाकी उपप्रमुख शारदा खनालले भिमाद नगरपालिकाले फोहोर फाल्नका लागि ल्याण्ड फिल्ड साइड छनौट गर्नै नसकेको बताइन् । नगरले दैनिक कुहिने र नकुहीने फोहोर उठाएता पनि खनालका अनुसारका अहिले नगरपालिका भित्रका फोहोरहरु जनजोति क्याम्पसबाट केही किमी तल साडेहुलमा व्यवस्थापन गरिएको छ । फोहोर व्यवस्थापन गर्ने साडेहुल बाहेक अन्य ठाउँ नरहेको हुदाँ विकल्पका ठाउँहरु छनोट गरिरहेको बताईन् ।

नगरले चालु आर्थिक बर्ष २०७७÷७८ मा फोहोर व्यवस्थापनकोल लागि ल्याण्ड फिल्ड साईड निर्माणको लागि बजेट विनियोजन गरेको नगरकी उप–प्रमुख खनालले जानकारी दिईन् । “हामीले फोहोरको व्यवस्थापनका लागि ल्याण्ड फिल्ड साईडको लागि उपयुक्त ठाउँ खोजि गरि रहेका छौ । जहाँ हामीले ३/४ ठाउँको छनोट गरेका छौ ।” खनालले बताईन् ।

फोहोर व्यवस्थापनको लागि तत्काल उक्त ठाउँमा व्यवस्थापनको काम सुरु गर्न सम्भव नभएको जानकारी दिईन । “नगरको फोहोर छनोट गरेका ठाउँमा लैजादा स्थानियहरुको गुनासो आउने हुन्छ ।” उनले भनिन् ,“हामीले अब स्थानिय, टोलका व्यक्तिहरुसंग समन्वय गरेर केही समय पछि नै कामको थालनी गरिन्छ ।”

Leave a Reply

Your email address will not be published. Required fields are marked *

Back to top button